थाईल्याण्डमा आयोजना हुने अन्तराष्ट्रिय सौन्दर्य प्रतियोगीता ‘मिसेस टुरिजम’ मा नेपालको प्रतिनिधित्व मुदिता तुलाधरले गर्ने भएकी छन् । ‘मिसेस टुरिजम’ का लागि नेपाली आधिकारी संस्था ई–प्लानेटले काठमाडौंमा एक कार्यक्रमका बीच तुलाधरलाई ‘मिसेन टुरिजम नेपाल २०२२’ को ताज पहिर्याउँदै प्रतियोगीताका लागि आधिकारिकता प्रधान गरेको हो ।
हुकुम दरबार कमलपोखरीमा आयोजित कार्यक्रममा तुलाधरलाई सन् २०१९ की मिसेस युनिभर्स नेपाल अनिला श्रेष्ठले ताज लगाइदिएकी थिइन् । काठमाडौं निवासी दुई सन्तानकी आमा तुलाधरले आफूलाई जिम्मेवारी थपिएको बताइन् । उनी सेप्टेम्बर २३ मा प्रतियोगीताका लागि नेपालबाट थाईल्याण्ड प्रस्थान गर्नेछिन् ।
विदेशी आगन्तुक तथा लगानीकर्तालाई नेपालमा आकर्षित गर्ने र राष्ट्रियताको भावना अभिवृद्धि गर्ने उदेश्यका साथ ‘मिसेस टुरिजम’ को फ्रेन्चाई नेपालमा भित्र्याएको आयोजक ई–प्लानेट नेपालका सन्तोष सापकोटाले बताए । ग्रिन आर्टस मिडियाले म्यानेजमेन्ट गरेको प्रतियोगितामा नेपा डान्स एकडेमीको सहयोग रहेको थियो । क्राउनिङ कार्यक्रममा रोजिन शाक्य (इन्टरनेसनल कोरियोग्राफर), मिसेस रोहिया महरजन (इन्टरनेसन डान्स कोरियाग्राफर), मिसेस परी परिन्दा श्रेष्ठ (मिसेस हेरिटेज नेपाल २०२२), मिस्टर लकोल्फ (सिईओ–ग्रिन आट्स मिडिया प्राली) लगायतको उपस्थिती रहेको थियो ।
