नबराज अधिकारी
नवलपुर । सरकारले घोषणा गरेको यही वैशाख ३० गते हुन गैरहेको स्थानीय तह निर्वाचनका लागि यतिबेला राजनीतिक दलहरु पालिका र वडाका उम्मेदवार चयन भई आ-आफ्ना ठाउँहरूमा भाेट माग्न लागिपरेका छन् ।
यसैक्रममा देवचुली नगरपालिका वडा नं ४ मा रहेको नेकपा (एमाले) तर्फबाट नेकपा एमाले पार्टि उपाध्यक्ष फणिन्द्र घलेको अध्यक्षतामा १९ बुद्दे प्रतिबद्धता सार्वजनिक कार्यक्रम आयोजना गरिएको थियो । आयोजित घोषणापत्र सार्वजनिक कार्यक्रममा एमाले जिल्ला सल्लाहकार परिषद् सदस्य विद्य विश्वकर्माले पार्टिका उम्मेदवारहरुले तयार पारेको प्रतिबद्धता एवं घोषणापत्र बारे जानकारी गराउनुभएको थियो । १९ बुद्दामा जनप्रतिनिधिहरुले गर्न बाकि रहेका कार्य र आगामि दिनमा देवचुली वडा नम्बर ४ मा आवस्यक पर्ने विकासका कार्यहरुलाई समेत समावेश गरिएको बताउनुभयो ।
उक्त वडाबाट वडा अध्यक्ष पदका उम्मेदवार गिरबहादुर थापा क्षेत्री ( राम ) , वडा सदस्य कृष्णप्रसाद रेग्मी, मोतीमाया गुरुङ्ग,गणेश क्षेत्री ,दलित महिला सदस्यमा सुकमाया सार्कीको उम्मेदवारी रहेको छ । कार्यक्रमा बोल्दै वडा अध्यक्षका उम्मेदवार गिरबहादुर थापाले आफु उम्मेदवार दिनुका कारण आफु गत निर्वाचनबाट वडा अध्यक्ष हुदा बाकि रहेका कार्यहरु पुरा गर्न वडा अध्यक्ष पदमा उम्मेदवार रहेको बताए ।
नेकपा एमाले देवचुली चारबाट १९ बुद्दे प्रतिवद्धता पत्र यस्तो रहेकाे छ ।
१) भूमिहीन सुकुम्बासी समस्या समाधानको लागि निर्वाचन पश्चात् पहिलो प्राथमिकताका साथ सम्बन्धित निकायसँग समन्वय गरी भूमिहीन सुकुम्बासी समस्या समाधानमा दृढताका साथ पहल गर्ने ।
२) युवाहरुको चौतर्फी विकासको लागि खेलमैदान, कवर्डहल, जिमहल निर्माण गरी, आय र आर्जनमा युवा उद्यमी तयार गर्ने ।
३) शान्ति सिर्जना आधारभूत विद्यालयलाई स्तरोन्नति गर्ने र निजी शिक्षकहरुलाई वडाको वजेटबाट तलब व्यवस्था गरी अभिभावकलाई आर्थिक भार कम गर्ने ।
४) कृषिमा आधुनिकीकरण गर्ने, जन्नबाली, तरकारी, पशुपालन, मल, विऊ, माटो, परीक्षण गरी, पकेट क्षेत्र बनाउने । बैकल्पिक सिंचाई योजना बनाउने ।
५) आन्तरिक पर्यटन क्षेत्र विस्तार गर्ने होमस्टे, भरना, पिकनिक स्पोर्ट प्राकृतिक रुपमा रहेको ढुङ्गालाई स्वरुप बनाई अवलोकनका लागि आकर्षक केन्द्र बनाउने ।
६) स्वास्थ्य वीमालाई सबै वडाबासी माझ पुयाउने ।
७) वडावासीसंग समन्वय गरी आवश्यक स्थानमा Free WiFi जोन बनाइनेछ ।
८) बालबालिकाको क्षमता अभिवृद्धि गराउने ।
९) महिला र आमा, दिदीबैनीलाई आर्थिक राजनैतिक सामाजिक रुपमा सबल बनाउने ।
१०) असहाय अशक्त, अपाङ्गलाई आत्मनिर्भरताको लागि योजना बनाई कार्यान्वयन गर्ने ।
११ वडाको कालो पत्रे बाटोको लागि बाँकी रहेको टोलबाट वडा नगर, प्रदेश संघमा डिपि आर योजना बनाइ बजेट माग गर्ने ।
१२) वडाको सार्वजनिक स्थलको संरक्षण सम्बर्द्धन र स्तरोन्नतिको योजना कार्यान्वयन गर्ने ।
(१३) अति विपन्न परिवारलाई खरको छानो विस्थापित गरी टिनको छानो छाईनेछ ।
१४) मठ, मन्दिर, चर्च, गुम्बा, मस्जिद, धर्म, संस्कृति, कलाको संरक्षण गर्ने ।
१५) एकल महिला अपाङ्गता, असाय, अति विपन्न घरपरिवारको पहिचान गरी
१६) कृषि तथा पशुपन्क्षि फर्म दर्ता गरी अनुदानको व्यवस्था गर्ने । शौचालय निर्माण गर्ने ।
१७) निर्माणाधीन स्वास्थ्य केन्द्र भवनको निर्माण कार्य पूरा गर्न सम्बन्धित निकायमा पहल गर्ने ।
१८) वडालाई नमूना वडा बनाउनका लागि आवश्यक योजना बनाइ आकर्षणको केन्द्र बनाउने ।
१९) संघ संस्था युवा क्लव, बाल क्लव, आमा समूहहरुलाई तत्-तत् क्षेत्रमा सकृय बनाइनेछ ।
