देवचुली,
नवलपुरको देवचुली नगरपालिका वडा नं ८ का ६५ जना नेकपा एमाले परित्याग गरि नेपाली काँग्रेसमा प्रवेश गरेका छन् । शनिबार नेपाली काँग्रेस देवचुली ८ वडा कार्यसमितिद्वारा देवचुलीको घुमाउरी पिकनिक स्पर्टमा आयोजित पार्टी प्रवेश एवम् मित्रमिलन कार्यक्रममा एकैसाथ ६५ जना काँग्रेस प्रवेश गरेका नेपाली काँग्रेस देवचुली नगरपालिकाका सभापति डिल्लीराम कडरियाले जानकारी दिनुभयो ।
नेपाली काँग्रेस देवचुली वडा नं ८ का उप–सभापति यमप्रसाद भुसालको सभापत्तिवमा भएको कार्यक्रममा संविधान सभा सदस्य महेन्द्रध्वज जिसीको प्रमुख आथ्तियता रहेको थियो । कार्यक्रममा बोल्दै प्रमुख अतिथी जिसीले मुलुकको सबै समस्याको समाधानका लागि नेपाली काँग्रेस अग्रसर रहेको बताउनुभएको हो ।
कार्यक्रममा विशेष अतिथीका रुपमा नेपाली काँग्रेस देवचुली नगरपालिकाका सभापति डिल्लीराम कडरिया रहनुभएको थियो । नेपाली काँग्रेसका नेताहरुले नवप्रवेशीहरुलाई टिका लगाएर स्वागत गरेका थिए ।
