नेकपा माओवादी केन्द्र देवचुलीको नगर अधिवेशनको उद्घाटन सत्र हिजाे सम्पन्न भएको छ भने बन्द सत्र स्थगित भएको छ । निर्वाचन मण्डलको तयारी नपुगेकोले बन्द सत्र स्थगित गरिएको माओवादी केन्द्र देवचुलीको अध्यक्ष प्रेमा खनालले अनलाइन सेरोफेरोलाई बताएकी छन् ।
कार्यक्रमका अध्यक्ष समेत रहनुभएकी खनालले आजको अधिवेशनलाई माओवादी केन्द्रका अध्यक्ष पुष्पकल दाहाल प्रचण्डले उद्घाटन गरेको बताएकी छिन्। देवचुली १३ मा रहेको साहारा पार्टी प्यालेसमा सम्पन्न कार्यक्रममा प्रदेश कमिटि सदस्य तथा देवचुली नगरपालिकाका इन्चार्ज बालकृष्ण रानाभाट प्रमुख अतिथिको रुपमा रहेका थीए।
यस्तै उद्घाटन सत्रमा नेकपा माओवादी केन्द्रका कार्यकर्ता तथा समर्थकहरुले देवचुली १४ मा रहेको जनज्योति नमुना माध्यमिक बिधालय देखि दलदले चोक हुँदै कार्यक्रम स्थल सम्म र्याली निकालिएको थियो।
