देवचुली,
नेपाली काँग्रेसको १४ औँ महाधिवेशन अन्तर्गतको देवचुली नगर समितिको निर्वाचनमा डिल्लीराम कडरिया रोमाञ्चक तवरले सभापतिमा विजयी भएका छन् । उनले आफ्ना समकक्षी रविलाल सापकोटासँगको प्रतिस्पर्धामा गोलाप्रथाबाट विजयी भएका हुन् ।
मतदानको नतिजा घोषणा गर्दा दुवै उम्मेदवारले समान १ सय ४७ मत प्राप्त गरेका थिए ।
समान मत प्राप्त गरेपछि सभापतिको चयन गर्न गोलाप्रथा गर्नुपरेको थियो ।
नगर सभापति भएपछि कार्यकर्तालाई सम्बोधन गर्दै कडरियाले आफ्नो जित सिँगो काँग्रेसको जित भएकाले आगामी दिनमा देवचुली नगरपालिकामा काँग्रेसलाई एक ढिक्का बनाएर लैजानमा कुनै कसर बाँकी नछोड्ने बताए ।
उनका समकक्षी उपविजेता रविलाल सापकोटाले मतदाताहरुले आँफूहरुलाई गरेको विश्वास प्रति धन्यवाद दिँदै पार्टीलाई बलियो बनाउन हमेशा तयार रहेको बताए ।
नगर अधिवेशनको उपसभापतिमा हरिभक्त भट्टराई (१५८) र भोजेन्द्र बहादुर रायमाझी क्षेत्री (१३७), सचिवमा सुन्दर पाण्डे (१३०) र भूपराज पाठक (११७) र सह–सचिवमा तनुजा महतो (२३३) र खेम सारु (१६५) मतका साथ विजयी भएका छन् ।
कुल ३ सय ४ प्रत्यक्ष र २ समानुपातिक गरि ३ सय ६ मत खसेको थियो ।
