बुलिङटार गाउँपालिका–५ भदौरीस्थित जौबारी बहुउदेश्य सहकारी संस्था लिमिटेडमार्फत IME Life Insurance Company Limited मा ऋण बिमा गरेका दुई जना बिमितको मृत्यु भएपछि कम्पनीले मृत्यु दाबी भुक्तानी गरेको छ।

मृत्यु हुनेमा २५ वर्षीय विवेक मल्ल ठकुरी र ५८ वर्षीय जस बहादुर बिर्कट्टा रहेका छन्। उनीहरूको परिवारलाई इन्स्योरेन्स कम्पनीले दाबी भुक्तानी स्वरूप राहत रकम हस्तान्तरण गरेको हो।

यस अवसरमा आयोजित बिमा सचेतना कार्यक्रम जौबारी बहुउदेश्य सहकारी संस्था लिमिटेडका सँचालक समिति अध्यक्ष धन बहादुर गुरूङकाे अध्यक्षता र बुलिङ्गटार गाउँपालिका–५ का वडा अध्यक्ष बिजय थापा मगर (प्रमुख अतिथि)का रूपमा सहभागी हुनुभएको थियो भने IME Life Insurance Company Limited का कावासाेती शाखा प्रमुख नवराज अधिकारी (विशिष्ट अतिथि)का रूपमा उपस्थित रहि बिमा शिक्षा एबँम सचेतना कार्यक्रम सँचालन गर्नु भएको थियो।

कार्यक्रमको सहजीकरण जौबारी बहुउदेश्य सहकारी संस्था लिमिटेडका व्यवस्थापक पुष्पा वीरकट्टा मगरले गर्नुभएको थियो। कार्यक्रममा कम्पनीका एजेन्सी म्यानेजर ऋषिराम गीरी, नवीन पौडेल लगायत सहकारीका पूर्व अध्यक्षहरूले बिमाको महत्वबारे मन्तव्य राख्नुभएको थियो।

कार्यक्रममा सहभागी वक्ताहरूले विपद् र दुःखद परिस्थितिमा बिमाले परिवारलाई आर्थिक राहत प्रदान गर्ने भएकाले सबैलाई बिमाप्रति सचेत हुन आग्रह गरेका थिए।