काठमाडौं । प्रतिनिधिसभामा उपसभामुख पदको निर्वाचन यही चैत २७ गते शुक्रबार हुने भएके छ । सबुधबार बसेको प्रतिनिधिसभाको बैठकमा भामुख डोलप्रसाद अर्यालले उपसभामुखको निर्वाचन हुने दिन चैत २७ गते तोकेको जानकारी दिए ।
निर्वाचनसम्बन्धी सूचना आजै प्रकाशित गर्न संघीय संसद् सचिवालयका सचिव हर्क राईलाई निर्देशन दिए । शुक्रबार दिनको ४ बजे बैठक बस्ने सभामुख अर्यालले जानकारी गराए । सभामुखको निर्वाचन चैत २२ गते भएको थियो ।
प्रतिनिधिसभाको बैठक बसेको १५ दिनभित्र सभामुख र उपसभामुख निर्वाचन गर्नुपर्ने व्यवस्था छ । रास्वपा उपसभापति अर्याल निर्विरोध सभामुख निर्वाचित भएका थिए । सभामुख र उपसभामुख एकै दलबाट बन्न मिल्दैन ।
उपसभामुख रास्वपाबाहेक दलका सांसद निर्वाचित हुने छन् । उपसभामुखमा नेपाली कांग्रेस, नेकपा एमाले, नेपाली कम्युनिष्ट पार्टी (नेकपा) राष्ट्रिय प्रजातन्त्र पार्टी (राप्रपा) र श्रम संस्कृति पार्टीमध्ये कुनै दलबाट बन्ने छन् ।
