फिल्म ‘गोबर गणेश’को ट्रेलर सार्वजनिक भएको छ । निर्माणपक्षले गत शुक्रबार काठमाडौँमा कार्यक्रम गर्दै ट्रेलर सार्वजनिक गरेको हो । ट्रेलरमा पढ्न नसकेपछि काठमाडौँ आएर एक युवकले गरेको संघर्षलाई देखाइएको छ । पढाइमा कमजोर रहेको ती युवकले काठमाडौँ आएर जीवन बदल्न गरेको अनेक संघर्ष ट्रेलरमा हेर्न पाइन्छ ।
ट्रेलरमा फोहोर उठाएर जिन्दगी बदल्छु भन्ने विकल्पमा पुगेको युवकको जिन्दगीको कठिन संघर्षसँगै काठमाडौँको संघर्षशील जीवन र त्यसले परिवारको सपनामा पारिरहेको प्रभावलाई देखाइएको छ ।आगामी १ माघमा रिलिज हुने फिल्ममा मरिचमान श्रेष्ठ ‘बल्छी धुर्बे’को निर्देशन छ । बल्छी धुर्वे फिल्मसको प्रस्तुतिमा निर्माण भएको फिल्ममा मरिचमानसँगै वर्षा शिवाकोटी, विनोद न्यौपाने, पदम तामाङ, निर्मल शर्मा, लक्ष्मीनाथ तिमलसेना, सन्तोष बानिया, सन्दीप लामा, माओत्से गुरुङ, सीतादेवी तिमल्सिना, पुजन घिमिरे ‘पुकु’, बुद्धि तामाङ, विशाल पहाडी, रमेश बुढाथोकी, स्वस्तिका लामिछानेलगायतको अभिनय छ ।
फिल्ममा तारानाथ न्यौपानेको मुख्य सहायक निर्देशन, योगेशकाजी शाहको बिजिएम, शंकर पाण्डेको प्रोडक्सन, शिवराम श्रेष्ठको डिओपी र विपिन मल्लको सम्पादन छ । टौवा स्टुडियोको पब्लिसिटी डिजाइन रहने चलचित्रको डिजिटल पार्टनरमा ओएसआर डिजिटल रहेको छ । नेपालमा यो फिल्मको वितरण श्री ब्याकटेस इन्टरटेनमेन्टले गर्नेछ ।
