मुम्बई । भारतीय गायिका कनिका कपूरले कैयौँ गीत गाएर श्रोता तथा दर्शकलाई मनोरञ्जन दिएकी छन् । उनको स्वरलाई जोकोहीले मनपराउँछन् । यिनै गायिका हालै मात्र एक लाइभ कन्सर्टमा एक फ्यानले दुव्र्यवहार गरेपछि चर्चामा छिन् ।
कन्सर्टमा एक दर्शक स्टेजमै पुगेर गायिका कनिकामाथि गलत व्यवहार गरेका थिए । कनिाकाथि गरेको दुव्र्यवहारको भिडियो यतिबेला सामाजिक सञ्जालमा भाइरल छ । कनिका मे–गोंग फेस्टिभलमा लाइभ गीत गाइरहँदा यो घटना भएको हो । गीत गाइरहँदा स्टेजमै पुगेर एक दर्शकले दुव्र्यवहार गरेपछि त्यहाँ रहेका सुरक्षाकर्मीले ती दर्शकलाई नियन्त्रणमा लिएका थिए । आफूूमाथि दुव्र्यवहार भए पनि उनले गाउन छोडिनन् । सामाजिक सञ्जालमा भिडियो भाइरल भएपछि केहीले घटनाप्रति दुःख व्यक्त गरे पनि कतिपयले भने यसलाई स्टन्टका रूपमा व्याख्या गरेका छन् ।
कनिकाका गीतहरू ‘बेबी डोल’, ‘जुगनी जी’, ‘चिट्टियाँ कलाइयाँ’, ‘कमली’ ‘देशी लुक’लगायतका गीत लोकप्रिय छन् । लखनऊकी कनिका सन् २०१२ मा मुम्बई आएपछि उनी पछाडि फर्कनु परेको छैन ।
