काठमाडौं । आफैँमा सञ्चारकर्मी समेत रहेकी गायिका शितल शर्माले ‘मन परेको कान्छु’ बोलको गीत ल्याएकी छन् । डान्सीङ बिटमा रहेको उक्त गीतमा गायिका शर्मालाई अर्का गायक हरि गिरी ‘विमर्शी’ ले आवाजमा साथ दिएका छन् । त्यसैगरी गीतमा शब्द र संगीत पनि हरि गिरी विमर्शिकै रहेको छ ।
गीतको भिडियोमा गायिका शितलले आफ्नै श्रीमान सुशील रेग्मी र मोडल स्मरिका ढकाललाई अभिनय गराएकी छन् । भिडियोमा सुशील रेग्मी र स्मरिका ढकालको दमदार नृत्य देख्न सकिन्छ ।
उक्त भिडियोमा श्रृंगार सरिता प्रजापति, कोरियोग्राफर तथा निर्देशन मौसम हिमाली, छायांकन नवराज उप्रेती र सम्पादन मनोज कार्कीको रहेको छ । गीतको भिडियो गायिका शितल शर्माले आफ्नै युट्युब च्यानलमार्फत सार्वजनिक गरेकी छन् । यसअघि पनि शर्माले धेरै गीतहरु बजारमा ल्याइसकेकी छन् ।
पछिल्लो समय विवाह बन्धनमा बाँधिएपछि समय अभाव र विविध कारणले बिचमा ग्याप भए पनि केही वर्षको अन्तरालपछि नेपाली मौलिक कला संस्कृति र आफ्नो गायन यात्रालाई अघि बढाएर यस ‘मन परेको कान्छु’ नामक गीत ल्याएको गायिका शितलले बताइन् । गीतमा माया प्रेमका भावना साटासाट र श्रीमान–श्रीमतीबीचको प्रगाढ अझै गहिराइमा पुग्ने शितलकाे विश्वास छ ।
