नवलपुर । नवलपुरको कावासोती २ मा रहेको मध्यविन्दु बहुमुखी क्याम्पसको क्याम्पस व्यवस्थापन समिति गठनका लागि निर्वाचन भएको छ ।
१ अध्यक्ष र ६ सदस्य पदका लागि अध्यक्ष पदमा २ जना र सदस्य पदमा १६ जनाको उम्मेदवारी परेको थियो ।
बुधबार भएको मतदान पछि बुधबारै गरिएको मतगणनाको अन्तिम मत परिणाम अनुसार अध्यक्ष पदमा क्याम्पसकै पूर्व क्याम्पस प्रमुख मुक्तीराम पाण्डे निर्वाचित भएका छन् ।
पाण्डेले १ सय ४३ मत प्राप्त गर्दै अध्यक्षमा निर्वाचित हुँदा उनका प्रतिद्वन्दी दुर्गादत्त भण्डारीले जम्मा २० मत प्राप्त गरेका थिए ।
त्यसैगरी सदस्यहरुमा मदन गिरीले १११ मत, उदयराज भण्डारीले ९३ मत, भिमलाल कंडेलले ८९ मत, रामकृष्ण ढुंगानाले ८९ मत, कृष्णराज सिग्देलले ७९ मत र नरदेव न्यौपानेले ७९ मत प्राप्त गरी विजयी भएका छन् । २ सय ३२ मतदाता रहेकोमा १ सय ७३ मत खसेको थियो ।
