गदर–२ ले बाहुबली–२ को रेकर्ड तोडिदिएको छ । फिल्मले रिलिजको २९ दिनपछि रेकर्ड तोड्न सफल भएको हो । हालसम्म फिल्मले ५११ करोड भारु कमाएको छ । यसका साथै यो सबैभन्दा धेरै कमाउने दोस्रो हिन्दी फिल्म बनेको छ ।
पहिलो नम्बरमा शाहरुख खानको पठान छ । पठानले ५४३ करोड भारु कमाएको थियो । यो हिसाबले गदर–२ ले पठानको रेकर्ड तोड्न ३५ करोड भारु कमाउनुपर्नेछ ।
hindi movieहिन्दी फिल्म इतिहासको दोस्रो सबैभन्दा ठुलो फिल्म
बाहुबली–२ को हिन्दी संस्करणले ५१०.९९ करोड भारु कमाएको थियो । सन् २०१७ मा रिलिज भएको फिल्मले जुन रेकर्ड बनायो, त्यो पाँच वर्षसम्म तोडिएन । सन् २०२३ मा शाहरुख खानको फिल्म पठान रिलिज भयो ।
यो फिल्मले बाहुबली–२ को रेकर्ड मात्रै तोडेन, यसलाई उछिन्यो पनि । सन् २०२३ मा अर्को एउटा फिल्म रिलिज भयो, यसले बाहुबली–२ को रेकर्ड तोडिदियो । सन्नी देओलको गदर–२ ले २९ दिन भित्रै यस्तो गरेर देखायो ।
