राम सुनार । कावासाेती
गैरआवासिय नेपाली संघ एनआरएनए माल्टाको सदस्यमा सुमन सागर भट्टराईले मनोनयन दर्ता गराएका छन् । आगामी कार्यकाल २०२३-२०२५ का लागि ३१ वर्षिय भट्टराईले उम्मेदवारी दर्ता गरेका हुन् ।
भट्टराई संभवत एनआरएनएको सदस्य बन्ने दौडमा छन् । एनआरएनए माल्टाको अभियानमा अग्रसर भएर जोडिएका भट्टराई विभिन्न सामाजिक सस्था तथा युवाहरुको संजाल मा जोडिएर काम गरिसकेका छन् । आफुलाई अब्बल तुल्याएका भट्टराईले यस अघिका अनुभव र कार्यक्षमताको मुल्यांकन गरिदिन माल्टाबासी नेपालीमा अपिल समेत गरेका छन् ।
भट्टराईले माल्टावासी नेपालीको हक,हित स्थापित गरि नेपाली समुदायको पहिचान र माल्टामा आइपर्ने जस्तासुकै समस्या सामुहिक पहलमा समाधान गर्न आफु नेतृत्वमा आउन लागेको बताएका छन् । उनले भनेका छन- ‘यस अघि विभिन्न सामाजिक सस्थाहरुको पदमा रहेर हासिल गरेको अनुभवलाई नेतृत्वका रुपमा अब कार्यान्वयनमा लैजानका लागि उम्मेदवारी दिएको छु, आउँदो कार्यकालमा म यहाँहरुको साथ र समर्थनसहित यहाँहरुकै सेवामा रहनेछु ।
रोजगारिका रुपमा माल्टा पुगेका भट्टराई लामो संघर्ष र निरन्तरको मेहनतले नेतृत्वतहमा उदाउन लागेका हुन् । भट्टराईलाई सदस्य सहित कार्यसमितिका अधिकांश र अघिल्ला कार्यसमितिका अधिकांश पदाधिकारीको समेत समर्थन रहेको छ ।
