काठमाडौंँ । शोभित बस्नेत प्रस्तुतकर्ता रहने फिल्म ‘जय हो’ मा अभिनेता अर्पण थापा भित्रिएका छन् । फिल्मको मुख्य भुमिकाको लागि थापा भित्रिएका हुन् । सोमबार निर्माण कम्पनी सलोन सलिना फिल्मस् र कलाकार अर्पण थापाबीच लिखित सम्झौता भएको छ । फिल्म ‘जय हो’लाई टेक पोरखी राईले निर्देशक गर्दैछन् ।
माघको अन्तिम सातादेखि छायांकनमा जाने फिल्म काठमाडौँ, पोखरा र मुस्ताङमा छायांकन हुनेछ । सुरेश न्यौपानेको कथा रहेको फिल्म एक्सन तथा लभस्टोरी जनरामा निर्माण हुन लागेको हो । फिल्मका संगीतकार शम्भुजित बाँस्कोटा र सागर आले मगर रहेका छन् ।
