अभिनेत्री वर्षा शिवाकोटी अहिले घरमै स्वास्थ्य लाभ गरिरहेकी छन् । बुधबार अपरान्ह उनलाई ‘माइनर हार्ट अट्याक’ भएको थियो । जसको जानकारी उनले सामाजिक सञ्जालमार्फत गराएकी थिइन् । हृदयघातलगतै उनलाई परिवारले मेडिसिटी अस्पताल पुर्याइएको र सामान्य उपचारपछि उनी घर फर्किएको बताइन्छ ।
सामाजिक सञ्जालमा उनले गरेको पोष्टमा थुप्रैले स्वास्थ्य लाभको कामना गरिरहेका छन् । बुधबार अपरान्ह नै भूकम्पको धक्का पनि महसुस भएको थियो । कतिपयले उनको स्टाटसलाई त्योसँग पनि जोडेर हेरेका थिए । वर्षा केही अगाडि श्रीमान् आशिष गेलालसँग चिसिएको सम्बन्धको कारणले चर्चामा छाएकी थिइन् ।
उनी केहीदिन अगाडि मात्र आमाको साथमा सिंगापुर र थाइल्याण्ड पुगेर फर्किएकी हुन् । अहिले भने उनले मिडियासँग दुरी बनाएकी छन् ।
