अमेरिकाका राष्ट्रपति जो बाइडेन र चीनका राष्ट्रपति शी जिनपिङले बिहिबार दुई घण्टा लामो फोनवार्ता गरे ।
यो कुराकानीका बेला दुई नेताले ताइवानको विषयमा एक–अर्कालाई चेतावनी दिएका छन् ।
बाइडेनले चिनियाँ समकक्षी शी जिनपिङसँग अमेरिकाले ताइवानको स्थितिलाई फेर्नका लागि चाल्ने कुनै पनि एकतर्फी कदमको कडा विरोध गर्ने बताएका छन् । यद्यपि, उनले ताइवानमाथि अमेरिकी नीतिमा कुनै पनि परिवर्तन नआउने बताएका छन् ।
यस्तै शी जिनपिङले बाइडेनलाई ‘एक चीन नीति’ को पालना गर्नका लागि भनेका छन् । चिनियाँ मिडियाका अनुसार उनले अमेरिका
यसै क्रममा सी जिनपिङले बाइडेनलाई ‘एक चीन’ नीति अपनाउन आग्रह गरेका छन् । चिनियाँ सञ्चारमाध्यमका अनुसार उनले अमेरिकालाई आगोसँग खेल्ने जोसुकै पनि जल्ने चेतावनी दिएका छन् ।
‘एक चीन’ नीतिअन्तर्गत अमेरिकाले ताइवानलाई कूटनीतिक रूपमा मान्यता दिँदैन । तर अमेरिकाले लोकतान्त्रिक रूपमा स्वशासित ताइवानलाई हतियार बेच्छ ताकि उसले आफ्नो रक्षा गर्न सकोस्।
चीन किन रिसाएको छ ?
अमेरिकी कंग्रेसकी सभामुख न्यान्सी पेलोसीको ताइवान भ्रमणको समाचारलाई लिएर चीन आक्रोशित भएको छ । भ्रमणअघि नै यो विषयलाई लिएर दुई देशबीच तनाव बढेको छ ।
न्यान्सी पेलोसी अमेरिकाकी तेस्रो शक्तिशाली व्यक्ति हुन् । विदेश मन्त्रालयले उनले कुनै पनि यात्राको घोषणा नगरेको बताए पनि चीनले ताइवानको यात्रा गरे अमेरिकाले नराम्रो परिणाम भोग्नुपर्ने चेतावनी दिएको छ ।
ताइवान आफ्नो प्रान्त मध्ये एक हो, जुन अन्ततः एक दिन फेरि चीनको हिस्सा बन्नेछ भन्ने चीनको विश्वास छ । अर्कोतर्फ, ताइवानले आफूलाई स्वतन्त्र राष्ट्र ठान्छ ।
