टेलिभिजन शो ‘कमेडी हब’ मा अभिनय गरेका एक कलाकारलाई काठमाडौँको एक कलेजले जागिरबाट निकालेको दाबी गरिएको छ ।
कलाकारसमेत रहेका शिक्षक दीपेन्द्र प्रसाईंलाई सुकेधारास्थित बागमती कलेजले जागिरबाट हटाइएको हो । उनले विगत पाँच वर्षदेखि उक्त कलेजमा अध्यापन गराउँदै आएका थिए ।
एक सञ्चारमाध्यममा ‘‘कमेडी हब’ मा गरेको कमेडीले कलेजबाट निकालिएँ’ भन्ने शीर्षकको लेखमा प्रसाईंले आफू अन्यायमा परिसकेपछि ब्याक हुने कुरा नभएको पनि बताएका छन् ।
प्रसाईंले शिक्षक भएर आफ्नै कलेजको कुरा बाहिर निकालेको भन्दै आफूलाई निष्कासन गरिएको दाबी गरे । उनले यसबारे भने, ‘मैले देशका नीजि कलेज र स्कुलको समग्र अवस्थालाई देखाएका ेहो । यसलाई यति ठूलो विषय बनाउने कुरा थिएन ।’
स्मरण रहोस्, टेलिभिजन शो ‘कमेडी हब’ केदारप्रसाद घिमिरे ‘माग्ने बुढा’ को निर्देशनमा प्रसारण भइरहेको छ ।
