देवचुली ७ को स्वास्थ चौकिलाई पोषणमैत्री स्वास्थ्य संस्था घोषणा गरिएको छ । स्वास्थ्य संस्था तथा व्यवस्थापन समितिका समेत अध्यक्ष रहेका देवचुली वडा न ७ का अध्यक्ष भूमिसरा आलेको अध्यक्षतामा घोषणा कार्यक्रममा गरिएको हो । देवचुलीका नगर प्रमुख हरिप्रसाद न्यौपानेको प्रमुख आतिथ्यता रहेको कार्यक्रममा उप प्रमुख पार्वता तिवारी, देवचुली ७,८,९ का वडा अध्यक्ष, स्वास्थ्य शाखाका प्रमुख रामकुमार श्रेष्ठ लगायत विभिन्न सरोकारवाला ब्यक्तिहरुको उपस्तिथिमा कार्यक्रम सम्पन्न गरिएको हो ।
देवचुली नगरपालिकाको सहयोगमा ५ वर्ष मुनिका बालबालिकाहरुको पोषण लेखाजोखा कार्यक्रमको सम्पुर्ण सुचकहरु पूरा गरि देवचुली स्वास्थ्य चौकीलाई पोषणमैत्री स्वास्थ्य संस्था तथा वडा न ७ लाई पोषणमैत्री वडा घोषणा गरिएको देवचुली ७ का वडा अध्यक्ष भुमिसरा आलेले बताएकी छिन् ।
स्वास्थ्य चौकीले पोषणमैत्री स्वास्थ्य संस्था घोषणा गर्नु पूर्व वडाका सबै सरोकारवाला निकाय तथा संघ संस्थाहरु सङ्ग अन्तर्कृया गरि कार्यक्रम सफल पारिएको र वडालाई ५ वटा टोलमा विभाजन गरि ५ वर्षमुनिका बालबालिकाहरुको पोषण लेखाजोखा गरिएको देवचुली स्वास्थ्य चौकीका हेल्थ असिस्टेन्ट देवीप्रसाद भुसालले जानकारी दिए ।
भुसालका अनुसार २ सय ५० जना बालबालिकाको सम्पुर्ण बिधा (उचाई,लम्बाई,पाखुराको गोलाई,तौल)को अनुगमन गरि पोषण लेखाजोखा गरिएकोमा हाल ६ जनाको पोषणको स्थिति कमजोर देखिएको र उपचारपछि पोषण स्थित सामान्य रहेको बताए। पोषणमैत्री स्वास्थ्य संस्था घोषणा गर्नका लागि आवश्यक सम्पूर्ण सुचाङ्क पूरा गरि बिहीवार घोषणा गरिएको देवचुली स्वास्थ्य चौकीका प्रमुख लिलाप्रसाद काफ्लेले बताए ।
