धेरैजसो महिलाले आमा बन्ने सपना पालेका हुन्छन् । केही महिला आमा बन्न नपाउँदा आजीवन दुःखी रहन्छन् तर आज हामी तपाईंलाई यस्ती महिलाबारे जानकारी दिँदै छौँ जसले ४० वर्षको उमेरसम्म आइपुग्दा ४४ सन्तान जन्माइसकेकी छिन् ।
यी महिलाले परिवार नियोजनबारे सोच्दा डाक्टरले उनलाई यसका कुनै पनि तरिकाले उनीमाथि काम नगर्ने र यसले स्वास्थ्य सम्बन्धि गम्भीर समस्या पनि निम्तिन सक्ने जानकारी दिएका छन् ।
यी महिलाले आफ्ना सन्तानको पालनपोषण एक्लै गरिरहेकी छिन् यी महिला को हुन् र कहाँ बस्छिन् ? यत्तिका बच्चा जन्माउनुको कारण के थियो ? यसबारे जानकारी लिऔँ ।
को हुन् ४४ सन्तान जन्माउने यी महिला ?
एनवाई पोस्टकाअनुसार ४४ सन्तान जन्माउने यी आमाको नाम मरियम नबातान्ज हो जो पूर्वी अफ्रिकाको युगान्डामा बस्छिन् । हाल उनी ४३ वर्षकी भइन् र उनले ४० वर्षको उमेरसम्म ४४ बच्चालाई जन्म दिइसकेकी छिन् ।
मरियमले एकपटक मात्रै एउटा बच्चा जन्माइन् । उनले चार पटक जुम्ल्याहा, पाँच पटक तीनजना र चार पटक पाँच सन्तानलाई जन्म दिइन् । उनको ६ सन्तानको मृत्यु भइसकेको छ । अहिले जीवित ३८ बच्चामा २० छोरा र १८ छोरीहरु छन् । यी सन्तानलाई उनले एक्लै पालिरहेकी छिन् ।
१२ वर्षको उमेरमा भएको थियो विवाह
मरियम १२ वर्षको हुँदा उनका आमा–बुवाले उनलाई विवाहको बहानामा बेचिदिएका थिए । १३ वर्षको उमेरमा उनले आफ्नो पहिलो सन्तानलाई जन्म दिइन् । पहिलो सन्तानको जन्मपछि मरियमलाई महसुस भयो कि उनको फर्टिलिटी अन्य महिलाको भन्दा बढी छ । उनले लगातार यति धेरै बच्चा जन्माउन थालेपछि उनी डाक्टरलाई भेट्न गइन् र डाक्टरले उनलाई उनको स्वास्थ्य अवस्थाबारे जानकारी दिए ।
यसकारण जन्मिए यति धेरै बच्चा
डाक्टरले मरियमलाई उनको डिम्बाशय असामान्य रुपमा ठूलो भएका कारण उनको शरीरमा हाइपर ओभ्युलेशन नामक स्थिति भएको जानकारी दिए । हाइपर ओभ्युलेट स्थिति वंशानुगत हुन्छ । यो स्थितिमा अत्यधिक बच्चा जन्माउने सम्भावना थुप्रै गुणा बढ्ने गर्छ ।
युगान्डाको राजधानी कम्पालास्थित मुलगो अस्पतालकी स्त्रीरोग विशेषज्ञ डा. चार्ल्स किगगुन्ड्डुले मरियमको स्थितिबारे जानकारी दिएकी छिन् । उनले भनिन्, ‘मरियमको फर्टिलिटी असाध्यै धेरै थियो, यसैकारण उनले धेरै बच्चा जन्माइरहेकी थिइन् । मरियमको स्थितिमा कुनै पनि परिवार नियोजनका साधनले काम गर्दैन र यदि यस्तो गरेको भए पनि उनलाई गम्भीर रोगको खतरा पनि हुन सक्थ्यो । ’
यद्यपि, हाइपर ओभ्युलेशनको उपचार त छ तर युगान्डाको ग्रामिण इलाकामा ती प्रविधि भित्रिनु निकै मुश्किल थियो ।
सन् २०१६ मा भागेका थिए श्रीमान्
जानकारीका अनुसार मरियमका श्रीमान् सन् २०१६ मा घरबाट सबै पैसा लिएर भागेका थिए । त्यसै वर्ष उनले आफ्ना सबैभन्दा कान्छो छोरालाई जन्म दिएकी थिइन् । मरियम आफ्ना सन्तानसँग उत्तरी कम्पालाबाट ३१ मिल टाढा खेतले घेरेको एउटा गाउँमा बस्छिन् । मरियमलाई उनका श्रीमानले छोडेर गएपछि एक महिलाले उनलाई केही बङ्क बेड दिएकी थिइन् । मरियम र बच्चा त्यसमा सुत्छन् । एउटा गद्दामा दुई बच्चा सुत्छन् ।
आफूलाई धोका दिने श्रीमानलाई सम्झिँदै उनी भन्छिन्, ‘म आँसुमा नै हुर्किएँ, मेरा श्रीमानले मलाई असाध्यै दुःखमा छोडेर हिँडे ।’
मरियमको सबै समय बच्चाको हेरविचार र पैसा कमाउँदैमा बित्ने गर्छ । उनले आफ्ना सन्तान हुर्काउनका लागि सबै काम गरिसकेकी छिन् जसमा कटिङ, फोहोर संकलन गर्नेछ, औषधी बेच्ने आदि ।
उनले कमाएको सबै पैसा खाना, लत्ताकपडा, औषधी उपचार र स्कुलको शुल्कले तुरुन्तै निल्छ ।
तर उनको घरको दुःखी भित्तामा स्कुलबाट स्नातक गरेका उनका केही सन्तानको तस्बिर झुण्ड्याइएको छ ।
उनको जेठो छोरा इभान किबु २० वर्षका पुगे । आमाले खर्च धान्न नसकेपछि उनले माध्यमिक विद्यालय छोड्न बाध्य भए ।
‘आमा अभिभूत हुनुहुन्छ,’ उनले भने, ‘उहाँहलाई कामले खाइरहेको छ ।’
‘हामीले उहाँलाई जति सक्दो मद्दत गरिरहेका छौँ, जस्तै खाना पकाउने, लुगा धुने तरपनि उहाँले अझै पनि परिवारको सम्पूर्ण बोझ बोक्नुहुन्छ । म उहाँलाई महसुस गर्छु ।’
