देवचुली ,
देवचुली नगरपालिकामा आज बुधबार नेकपा एमालेले विजयी र्याली निकालेका छन्।
गत बैशाख ३० गते सम्पन्न स्थानीय निर्वाचनमा मेयर र उप मेयर पदमा जित निकाले संगै खुसियालीमा बिजयी र्याली निकालिएको नेकपा एमाले देवचुली कमिटिले जनाएको छ।
आजको र्याली दलदले देखि सुरु भएर धारापानी , सिताबास , मुन्ड़े , बिशालटार , पृथ्वीनगर , प्रगतिनगर , सालघारी हुँदै दलदले आई नाचगान गर्दै खुसियाली मनाएका थिए।
नगर भित्रका नेकपा एमालेका हजारौं शुभचिन्तक तथा समर्थकहरुको उपस्थितिमा बिजयी वडाका अध्यक्षहरु संगै मेयर र उप मेयरलाई अविर जात्रा गर्दै नगर परिक्रमा गरिएको थियो।
बिजयी जुलुसलाई नेकपा एमालेका नवलपुर जिल्ला इन्चार्ज तिलक महतले सबै नगरबासिहरुलाई महत्वपुर्ण मतको लागी धन्यवाद ज्ञापन गरेका थिए । यस्तै मेयर तथा उप मेयरले अबको ५ बर्षे कार्यकाल जनताको नाममा सुम्पिएको प्रतिवद्धता गरेका थिए।
हाल देवचुलीको मेयर र उप मेयर संगै ११ वटा वडामा वडामा नेकपा एमालेले जित निकालेको छ।
