देवचुली,
गत बैशाख ३० गते भएको स्थानीय तह निर्वाचन २०७९ को नतिजा आएसँगै देवचुलीमा ११ वटा वडामा नेकपा एमाले र ६ वटा वडमा गठबन्धनको विजयी भएको छ । अहिलेको स्थानीय तह निर्वाचनमा देवचुली नगरपालिकाका अधिकांस वडामा एमालेले जित हासिल गरेको छ ।
देवचुली नगरपालिका वडा नं १ मा कृष्णबहादुर केसी, वडा नं २ मा शरद प्रसाद घिमिरे, वडा ४ मा गिरबहादुर थापा क्षेत्री राम, वडा नं ५ मा कृष्णप्रसाद सापकोटा, वडा नं ६ मा मिनबहादुर सोती, वडा नं ७ मा भूमिसरा आले, वडा नं ८ मा नुनप्रसाद बाचे, वडा नं ११ मा तिल प्रसाद काफ्ले, वडा नं १४ मा गोपाल थापा, वडा नं १६ मा केशवराज गौतम र वडा नं १७ मा गणेशप्रसाद चालिसे नेकपा एमालेबाट विजयी भएका छन् भने देवचुली वडा नं ३ मा होमनाथ पौडेल, वडा नं ९ मा बलिराम सापकोटा, वडा नं १० रेप्तीकुमार घर्ती मगर, वडा नं १२ मा लोक प्रसाद भुर्तेल, वडा नं १३ मा एकदेव पौडेल र वडा नं १५ मा सुरेशकुमार रानाभाटले नेपाली काँग्रेस (गठबन्धन) बाट जित हासिल गरेका छन् ।
२०७४ सालको स्थानीय तह निर्वाचनमा देवचुलीका अधिकांस वडामा नेपाली काँग्रेसले जित हासिल गरेको थियो भने र २०७९ को स्थानीय तह निर्वाचनमा देवचुलीका धेरै वडामा नेकपा एमालेले अग्रता हासिल गरेको छ ।
