आजकल युवामा स्टन्टको क्रेज व्यापक नै रहेको छ । तपाईंले यस्ता कयौँ भिडियोहरु सोसल मिडियामा देख्नु भएकै होला, जसमा रोचक दृश्यहरु देख्न सकिन्छ । कयौँ पटक त मानिसले आफ्नै ज्यान जोखिममा राखेर आफ्नो स्टन्टको उत्कृष्ट उदाहरण दिएको देख्न सकिन्छ ।
एक यस्तै भिडियो पछिल्लो समयमा सोशल मिडियामा तीव्र रुपमा भाइरल भइरहेको छ, जसमा ब्राजिलका एक व्यक्तिले हजारौँ फिटको उचाइमा मिडएयर रोपवाक गरेको देखिएको छ ।
सोसल मिडियामा यसको भिडियो व्यापक रुपमा भाइरल भइरहेको छ । प्रयोगकर्ता पनि यस्तो स्टन्ट भिडियो हेर्न खुबै मन पराउँछन् ।
भाइरल भइरहेको यो भिडियो ब्राजिलको हो । जसमा राफेल जुग्नो ब्रिडी नामका एक व्यक्तिले ६,३२६ फीटको उचाइमा १८ मिटर वा ५९ फिटको दुरीमा दुुई तातो हावाले भरिएको बेलुनका बीच बाँधिएको डोरीमा नांगो खुट्टाले हिँडिरहेको देख्न सकिन्छ ।
जमिनबाट १९०१ मीटरको उचाइमा हिँडेर राफेल जुग्नो ब्रिडीले विश्व कीर्तिमान राख्दै आफ्नो नाम गिनिज वर्ल्ड रिकर्डमा दर्ता गराएका छन् । राफेल जुुग्नो ब्रिडीले देखाएको यो स्टन्टको उचाई विश्वकै सबैभन्दा अग्लो भवन बुर्ज खलिफा भन्दा दुुई गुणा बढी हो । यो भिडियोले हालसम्म ९ लाख भ्यूज पाइसकेको छ ।
