देवचुली,
देवचुली नगरपालिका वडा न ५ मा समुहहरुलाई हाते ट्याक्टर वितरण गरिएको छ । आइतबार वडा नं ५ को वडा कार्यालयमा एक कार्यक्रमको आयोजना गरि वडा भित्रका ४ आमा समूहरुलाई हाते ट्याक्टर वितरण गरिएको हो । वडाको वडास्तरीय ३ लाख बजेटबाट महिला लक्षित कार्यक्रमका लागि विनियोजित रकमबाट वडाका लाङ्घाली आमा समूह, नवप्रभात आमा समूह, निलपोखरी आमा समूह र बन्दिपुर आमा समुहलाई हाते ट्याक्टर वितरण गरिएको हो । महिलाहरु खाली समयमा घरमा बसेको बेला करेसाबारीमा तरकारी उत्पादनका लागि हाते ट्याक्टरले सहयोग पुर्याउने देवचुली नगरपालिका वडा न ५ का अध्यक्ष शिवलाल सापकोटाले बताउनुभयो । सापकोटाले वडाभित्रका महिलाहरुलाई आत्मनिर्भर बनाउने तर्फ वडा लागेको बताउनुभएको छ ।
हाते ट्याक्टर पाएपछि महिला दिदीबहिनीहरुले धानको बीउ राख्न, तरकारी लगाउन र कृषि कार्यका लागि सहज हुने बताएका छन् । कार्यक्रममा देवचुली नगरपालिका वडा न ५ का वडाअध्यक्ष शिवलाल सापकोटाको अध्यक्षता रहेको थियो भने कार्यपालिका सदस्य ,वडा सदस्यहरु, आमा समुहका प्रतिनिधिहरुको उपस्थितिमा सम्पन्न भएको थियो । सो कार्यक्रमको सहजीकरण देवचुली नगरपालिका वडा न ५ का वडा सचिव दिलीप दाहालले गर्नुभएको थियो ।
