नेपालकै पहिलो पब्लिक लिमिटेड ट्राभल कम्पनी, गुरु ट्राभल्स लिमिटेडको चौथो वार्षिक साधारण सभा मिति २०८२ पौष २५ गते काठमाडौंको जमल स्थित Yellow Pagoda होटलमा भव्य रूपमा सम्पन्न भयो । कार्यक्रम संस्थाका अध्यक्ष श्री विज्ञान राज शर्माको अध्यक्षतामा, संस्थापक शेयरधनीहरू, पर्यटन क्षेत्रका प्रतिष्ठित व्यक्तित्वहरू, र विशिष्ट अतिथिहरूको उपस्थितिमा सम्पन्न भएको थियो । सभाको उद्घाटन अध्यक्ष श्री विज्ञान राज शर्मा, वरिष्ठ सल्लाहकार तथा शेयरधनी, श्री लक्ष्मि गुरुङ्गज्युले संयुक्त रूपमा पानसमा बत्ति बालेर गर्नुभएको थियो । साँझ ५ः०० मा औपचारिक रूपमा सुरु भएको कार्यक्रम प्रमुख सञ्चालन अधिकृत श्री अनिल धरेलले सञ्चालन गर्नुभएको थियो ।

अध्यक्षको स्वागत मन्तव्यपछि संस्थाका सञ्चालकर प्रमुख कार्यकारी अधिकृत नबराज धरेल ज्युले वार्षिक प्रतिवेदन प्रस्तुत गर्नुभयो । प्रतिवेदनमा कम्पनीले स्थापनाकालदेखि सन्तोषजनक प्रगति गर्दै आएको र भविष्यमा अझ गुणस्तरीय सेवा प्रवाहमा जोड दिने प्रतिबद्धता व्यक्त गरियो । प्रमुख सञ्चालन अधिकृत अनिल धरेल ज्युले त्यसपछि कार्यालयमा सम्पन्न विविध गतिविधिहरूको विस्तृत प्रस्तुति दिनुभयो ।
विश्वप्रसिद्ध कम्पनी TripAdvisor बाट प्रदान गरिएको अवार्ड प्राप्त गर्दै विश्वव्यापी रूपमा शीर्ष १०% भित्र पर्न सफल भएको छ । साथै कम्पनीले हालसम्म १.५ Crore + Social Media Reach, २,०००+ Corporate Served, १३,०००+ People Travelled, १०० +Promoters, ३३०,०००+ Membership, ५०,०००+ Inquiries Received, ३०+ Team Strength, र हालसम्म १०००+ Days Served का माइलस्टोन हासिल गरेको छ । सभामा आर्थिक वर्ष २०८१÷८२ को लेखा परीक्षकको प्रतिवेदन, आर्थिक वर्ष २०८२÷८३ का लागि लेखा परीक्षक नियुक्त गर्ने तथा निजको पारिश्रमिक निर्धारण गर्ने प्रस्तावहरू प्रस्तुत गरिए, जुन शेयरधनीहरूको सर्वसम्मतिले पारित गरियो ।
कार्यक्रमको विशेष आकर्षणका रूपमा “Invest on Travelling Award” प्रदान गरियो, जसअन्तर्गत संस्थाको व्यापार ब्यबसाय प्रवद्र्धनमा उत्कृष्ट योगदान पु¥याउने शेयरधनी र ग्राहकहरूलाई सम्मानित गरिएको थियो । उक्त पुरस्कार शेयर धनीहरूको तर्फबाट बसन्त प्रसाद भुसाल, राम मोहन महर्जन, गोविन्द प्रसाद शर्मा, सुदीप खड्का, राम कृष्ण श्रेष्ठ, र ग्राहकहरूको तर्फबाट मेख गुरुङ, महेश्वर श्रेष्ठ, मुना भेटरिनरी हस्पिटल प्रा. लि., एक्सपर्ट एजुकेशन एण्ड भिसा सर्भिस नेपाल प्रा. लि., र ग्रीन लायन एजुकेशनल ट्राभल कम्पनी प्रा. लि. ज्युहरूलाई प्रदान गरियो ।