अभिनेता आर्यन सिग्देलको अभिनय रहेको म्युजिकल फिल्म ‘बानी’को टिजर सार्वजनिक भएको छ । ओएसआर डिजिटलबाट सार्वजनिक टिजरमा आर्यनलाई फरक लुक्समा देखाइएको छ । फिल्ममा आर्यनसँगै करुणा श्रेष्ठको पनि अभिनय छ ।
फिल्ममा नेपालको युवा आर्यन र सिक्किमकी युवती करुणाबीचको वियोगान्त कथा देखाइनेछ । फिल्मका निर्देशक सुव्रतराज आचार्यका अनुसार प्रेमपछि आउने उतारचढावलाई फिल्ममा रोचक ढंगले प्रस्तुत गरिएको छ । यसअघि सार्वजनिक फिल्मको २ पोस्टरमा आर्यनलाई रिसाहा र प्रेमी लुक्समा देखाइएको थियो ।
फिल्ममा दिनेश क्षेत्रीको शब्द, संगीत र स्वर, कन्सेप्ट तथा संवाद छ । संवाद लेखनमा उनलाई केशव भट्टले सघाएका छन् । फिल्ममा आर्यन र करुनासँगै सबिन कट्टेल र सुस्मिता श्रेष्ठको पनि अभिनय छ । उत्सव दाहालको छायांकन रहेको फिल्ममा विकास दाहालको सम्पादन छ । फिल्म यही १० पुसमा रिलिज हुँदै छ ।
