काठमाडौं । अभिनेता अनुपविक्रम शाहीले बलिउड अभिनेता सलमान खान स्टारर फिल्म ‘ब्याटल अफ गलवान’बाट बलिउड ‘डेब्यू’ गरेका छन् । उनले सामाजिक सञ्जाल फेसबुकमार्फत लद्दाखमा पहिलो फिल्मको सेड्युलको छायांकन सकेको जानकारी दिँदै खुशी व्यक्त गरेका छन् ।
अपूर्व लाखियाले निर्देशन गरिरहेको फिल्म सलमान खान फिल्म्सले निर्माण गरिरहेको छ । ‘सलमान खान सरसँग एसकेएफ फिल्म्सद्वारा निर्मित र अपूर्व लाखिया सरद्वारा निर्देशित, लद्दाखमा मेरो डेब्यू बलिउड फिल्मको पहिलो तालिका पूरा गर्न पाउँदा साँच्चै सम्मानित र कृतज्ञ महसुस गर्दैछु ।
अगाडिको यात्राको लागि उत्साहित छु,’ उनले लेखेका छन् । फिल्म १६ जुन, २०२० मा गलवान घाँटीमा भएको भारतीय र चिनियाँ सेनाबीच भएको झडपको कथावस्तुमा आधारित छ । फिल्ममा फिल्ममा सलमानले सैनिक अफिसरको भूमिका निर्वाह गरेका छन् ।
