काठमाडौं । गायिका समिक्षा अधिकारी र गायक एवं सर्जक सचिन भट्टराईले तिज गीत ‘कस्की छोरी होला’ ल्याएका छन् । उक्त गीतमा गायिका अधिकारी र गायक भट्टराईकै युगल आवाज रहेको छ भने सचिन आफैँले शब्द रचना र संगीत भरेका छन् ।
गीतको भिडियो समिप इन्टरटेनमेन्ट युट्युब च्यानलमार्फत सार्वजनिक भएको छ । विगतदेखि तिज गीतको नाममा छाडापन र मौलिक संस्कारमा आघात पुर्याउने सिर्जनाहरूले बजार ढाकिरहेको बेला, ‘कस्की छोरी होला’ नामक गीत ल्याएको गायक भट्टराईले बताए ।
गितको भिडियोमा मौसम हिमालीको निर्देशन रहेको छ भने सुनिल न्यौपाने, मीना बर्तौला, अर्जुन सापकोटा र जुना बिसीको अभिनय देख्न सकिन्छ । छायांकन नवराज उप्रेती र सम्पादन मनोज कार्कीले गरेका हुन् । एच. बी. एन. किस्मतको संगीत संयोजन रहेको छ । गीतमा नेपाली नारीको सम्मान, परम्परा र संस्कृतिको झल्को दिन खोजिएको गायक भट्टराईको भनाई छ ।
गोरखामा जन्मिएर काठमाडौंलाई कर्मथलो बनाएका गायक तथा सर्जक भट्टराई नेपाली सांगीतिक क्षेत्रमा मौलिकता, संस्कृति र सिर्जनशीलताको बलियो प्रतिनिधि पात्रका रूपमा चिनिने उनलाई निजकबाट चिनेका पत्रकार कविराज ढकालले बताए । आफूले दर्जनभन्दा बढी अफिसियल गीत र चार दर्जनभन्दा बढी लाइभ दोहोरी गीतमा आवाज दिइसकेको गायक भट्टराईले बताए ।
