प्रभास अभिनित भारतीय फिल्म ‘द राजा साब’को टिजर रिलिज भएको छ, जसलाई दर्शकले उत्सुकतासहित प्रतीक्षा गरिरहेका थिए ।
यो एउटा यस्तो विधा हो जसमा प्रभास पहिलो पटक देखिँदैछन् । यो टिजरमा, प्रभासले तपाईंलाई धेरै पटक ‘कल्की २८९८ एडी’ को सम्झना गराइरहेका हुनसक्छन् ।
यो एक हरर कमेडी फिल्म हो । टिजरका केही झलक सुपरस्टार रजनीकान्तसँग पनि मिल्दोजुल्दो छन् । यो फिल्म एकदमै भव्य र ग्ल्यामरस देखिन्छ जसलाई भीएफएक्सले अझै सुन्दर बनाइदिएको छ ।
लगभग २ मिनेट २८ सेकेन्डको यो टिजरमा प्रभासले फ्यानको मन जितेका छन् । यो टिजर जंगलमा रहेको डरलाग्दो किल्लाबाट सुरु हुन्छ जहाँ एउटा डरलाग्दो संवाद सुनिन्छ, ‘यो घर मेरो शरीर हो, यहाँको धन मेरो आत्मा हो, म गएपछि यसको आनन्द लिनेछु ।’
त्यसपछि डरलाग्दो संसारका केही अनौठा झलक देखिन्छन् । त्यसपछि अचानक प्रभासको कमेडी अवतारले तपाईंलाई बाहिर निकाल्छ । एक क्षणको लागि, तपाईंलाई लाग्छ कि प्रभास ‘कल्की’बाट ’भैरव’को रूपमा आएका छन् ।
अर्को क्षणमा, उनी रजनीकान्त जस्तै आँधीबेहरी शैलीमा देखा पर्न थाल्छन् । फिल्म रिलिजको कुरा गर्दा, ’द राजा साब’ डिसेम्बर ५, २०२५ मा हलहरूमा लाग्नेछ ।
