काठमाडौँ । आगामी शुक्रबारबाट सार्वजनिक प्रदर्शनमा आउने फिल्म ‘पिताम्बर’ मल्टिस्टार कलाकार भएको कारण फिल्म अहिले चर्चामा छ । फिल्मको चर्चा मात्र होइन, प्रचारका लागि फालिएका सामग्रीले पनि दर्शकको मन जितिरहेको छ । जसको उदाहरण फिल्मको ट्रेलरलाई लिन सकिन्छ । केही दिनअघि सार्वजनिक ट्रेलर २ दिनदेखि युट्युब ट्रेन्डिङको १ नम्बरमा छ । अहिलेसम्म २० लाख बढी दर्शकले हेरेर सकारात्मक प्रतिक्रिया दिएका छन् । केपी फिल्मस् र पुरुषोत्तम प्रधान फिल्मस्को ब्यानरमा निर्माण भएको फिल्ममा कृषा चौलागाईंको निर्देशन छ ।
फिल्ममा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रविन्द्र झा र प्रमोद अग्रहरि छन् । यसैगरी, आर्यन सिग्देल, कामेश्वर चौरासिया, टीका पहाडी, सुलभ पहाडी, सुरवीर पण्डित, विशाल पहाडी, दिव्यदेव पन्त, सुपुष्पा भट्ट, दिव्या रायमाझी, गौरव विष्ट, आशिष पुरुष, ललित विष्ट, किशोर भट्ट, विनोदकुमार पौडेल, नारायण काफ्ले र रविन्द्र भट्टराईको अभिनय छ ।
फिल्ममा बाल कलाकारका रूपमा आर्नव घिमिरे, प्रयुसदत्त सुवेदी, आध्य लामिछाने, आरोह चौँलागाईं र सुप्रोल बुढाथोकी लगायतको अभिनय छ ।विशाल चौलागाईं निर्माता रहेको फिल्ममा पुरुषोत्तम प्रधान, आध्य लामिछाने र आरोह चौलागाईं सह–निर्माता, सुमन गौतम कार्यकारी निर्माता, प्रदीप भारद्वाज र अभिमन्यु निरवीको पटकथा र संवाद, पुरुषोत्तम प्रधानको डिओपी, शेरबहादुर लामा र मानकृष्ण महर्जनको छायांकन, बन्दे प्रसादको सम्पादन र ट्रेलर, आशीष अविरल र बाबुल गिरीको संगीत, हिमाल केसीको द्वन्द्व छ । फिल्म आरआर फिल्मस्ले वितरण गर्दै छ ।
