नेपाल बुद्धिजीवी परिषद नवलपुरको अध्यक्षमा रमेश जिसि चयन हुनुभएको छ । परिषदको शनिवार कावासोतीमा सम्पन्न नवौं जिल्ला अधिबेशनबाट जिसि अध्यक्षमा चयन हुनुभएको हो ।
परिषदको उपाध्यक्षमा शशी सिग्देल , सचिबमा करुण लम्साल , कोषाध्यक्षमा टंक प्रसाद पराजुली , उपसचिबमा शिबहरी खनाल र राधा उपाध्याय चयन हुनुभएको नवनिर्वाचीत सचिब करुण लम्सालले बताउनु भयो ।
परिषदको सदस्यहरूमा मन प्रसाद पाण्डे , बिष्णु प्रसाद तिवारी ,उदयराज सिग्देल, लक्ष्मण कंडेक , दिपक सुवेदी ,बिष्णु प्रसाद खनाल र सावित्री खरेल चयन हुनुभएको छ ।
नेपाल बुद्धिजीवी परिषद केन्द्रीय उपाध्यक्ष बिदुर आचार्यको प्रमुख आतिथ्यतामा सम्पन्न अधिबेशनको उद्घाटन समारोहमा प्रदेश समितिका सल्लाहकार मुक्तिराम पाण्डे , प्रदेश समिती उपाध्यक्ष भोजराज दाहाल , केन्द्रीय सदस्य नरदेव न्यौपाने लगायतले शुभकामना दिएका थिए ।
केशब घिमिरेको अध्यक्षतामा भएको कार्यक्रमको सहजीकरण सुरेन्द्र एम सि ले गर्नुभएको थियो ।
