काठमाडौं । माघ १६ गते रिलिज हुने तयारीमा रहेको फिल्म ‘एक्टर : टेक वन’को नयाँ गीत ‘के भरोसा गरम’ सार्वजनिक भएको छ । गीतको भिडियोमा एक युवक दुई युवतीको प्रेममा रहेको देखाइएको छ ।
ती पात्रहरूमा प्रदीप खड्का, आना शर्मा र दिब्या रायमाझीले अभिनय गरेका छन् । गीतमा त्रिकोणात्मक प्रेमकथा दर्साइएको छ । भिडियोले हेर्दा प्रदीप फिल्ममा दोहोरो भूमिकामा रहेको अनुमान गर्न सकिन्छ ।
आनासँगको दृश्यमा उनी बोल्न सक्ने र दिब्यासँगको दृश्यमा बोल्न नसक्ने रोलमा उनी छन् । गीतमा हर्कुलस बस्नेत र इन्दिरा जोशीले आवाज दिएका छन् । उर्मिला गुरुङको शब्द र हर्कुलस बस्नेतको सङ्गीतले गीतलाई सशक्त बनाएको छ ।
गीतमा किरण थापाले डान्स कोरियोग्राफी गरेका छन् । निर्देशन राजन भुसालले गरेका हुन् । पटकथा आकाश बराल र राजन भुसालले लेखेका हुन् । फिल्ममा राजवल्लभ कोइराला, दिव्य देव, उषा रजक, सृजना अधिकारी, र सुशील सिटौलालगायतका कलाकारहरूको अभिनय छ ।
अधृत फिल्म्स् र मोती फिल्मको संयुक्त प्रस्तुति हो । निर्माता थमनकुमार भण्डारी, क्रियटिभ निर्माता मोती कार्की, र सह–निर्माता अनीश भुसाल छन् ।
