स्वर्गीय भजन शिरोमणि भक्तराज आचार्यको बायोपिक ‘आचार्य’ सार्वजनिक भएको छ । उक्त बायोपिक एवं चलचित्र ‘आचार्य’ बुधबार ओएसआर डिजिटलमार्फत सार्वजनिक गरिएको भजन शिरोमणि भक्तराजका जेठा छोरा छोरा सत्यराज आचार्यले जानकारी दिए ।
सो बायोपिक ‘आचार्य’‘ भजन शिरोमणि भक्तराजको जीवनीमा आधारित हो । यो चलचित्र प्रदर्शनको १३ वर्षपछि गत असारमा पुनः हलमा रिलिज भएको थियो । यस चलचित्रमा भक्तराजको भूमिकामा उनका जेठा छोरा सत्यराज आचार्य देखिएका छन् ।
चलचित्रमा अरुणा कार्की, सुनील पोखरेल, सौगात मल्ल, दयाहाङ राई, विपिन कार्कीलगायको अभिनय रहेको छ । रोशन राई निर्माता रहेको फिल्मलाई प्रशान्त रसाइलीले निर्देशन गरेका हुन् । भजन शिरोमणि भक्तराज आचार्यको गत वर्ष फागुनमा निधन भएको थियो ।
