काठमाडौँ । मरिचमान श्रेष्ठ ‘बल्छी धुर्बे’ निर्देशक रहेको फिल्म ‘गोबर गणेश’ को छायाङ्कन सकिएको छ । शनिबार पशुपति परिसरमा फिल्मको अन्तिम दृश्य कैद गर्दै फिल्मले छायाङ्कन सकाएको निर्माण नियन्त्रक शङ्कर पाण्डेले जानकारी दिए ।
श्रेष्ठले यसै फिल्मबाट निर्देशनमा डेब्यु गरेका हुन् । ‘मेरी बास्सै’बाट दर्शकमाझ चिनिएका श्रेष्ठका टेलिश्रृंखला ‘हल्का रमाइलो’ र ‘जुठे’ दर्शकमाझ लोकप्रिय छन् ।
बल्छी धुर्बे फिल्मस्को प्रस्तुति रहेको फिल्म आगामी माघ १ गते रिलिज हुनेछ । फिल्ममा श्रेष्ठको अलवा वर्षा सिवाकोटी, विनोद न्यौपाने, पदम तामाङ, विल्सन विक्रम राई, निर्मल शर्मा, नबराज अधिकारी, लक्ष्मीनाथ तिमलसेना, राजु याक्छा, रामप्रसाद खनाल, सन्तोष बानिया, सन्दीप लामा, माओत्से गुरुङ, सीतादेवी तिमल्सिना र पुजन घिमिरे (पुकु)लगायतको अभिनय छ।
शङ्कर पाण्डेको प्रोडक्सन, शिवराम श्रेष्ठको डीओपी र विपीन मल्लको सम्पादन रहेको फिल्मको डिजिटल पार्टनरमा ओएसआर डिजिटल र वितरण श्री ब्याकटेस इन्टरटेनमेन्टले गर्नेछ ।
